2015 jylǵy 30 qarasha, Astana qalasy
Tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesin bekitý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 14-baby 10)-tarmaqshasyna sáıkes buıyramyn:
1. Qosa berilip otyrǵan Tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesi bekitilsin.
2. Qazaqstan Respýblıkasy Qarjy mınıstrliginiń Býhgalterlik esep pen aýdıt ádisnamasy departamenti (A.T. Bekturova) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Qarjy mınıstrliginiń ınternet-resýrsynda ornalastyrýdy qamtamasyz etsin.
3. Osy buıryq onyń memlekettik tirkelgen kúninen bastap qoldanysqa engiziledi.
Qazaqstan Respýblıkasynyń Qarjy Mınıstri B.SULTANOV
Qazaqstan Respýblıkasy Qarjy mınıstriniń 2015 jylǵy 30 qarashadaǵy
№597 buıryǵymen bekitildi
Tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesi
1. Jalpy erejeler
1. Osy tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesi (budan ári – Úlgi júıe), «Memlekettik aýdıt jáne qarjylyq baqylaý týraly» Qazaqstan Respýblıkasy 2015 jylǵy 12 qarashadaǵy Zańynyń 14-baby 10)-tarmaqshasyna sáıkes ázirlendi.
1. Úlgi júıe ishki memlekettik aýdıt organdaryna táýekelderdi basqarýdyń júıesi boıynsha ádistemelik negizin jasaýǵa arnalǵan jáne maqsaty tıisti jylǵa memlekettik aýdıt obektileriniń tizilimin qalyptastyrýdyń, ishki memlekettik aýdıt jáne qarjylyq baqylaý organdarynyń (budan ári – ishki memlekettik aýdıt organdary) memlekettik aýdıt jáne ózge de is-sharalary ótkizýdiń tıimdiligin arttyrý bolyp tabylady.
2. Úlgi júıeni paıdalaný kezinde mynadaı negizgi uǵymdar qoldanylady:
1) ball – táýekeldi esepteýdiń sandyq ólshemi;
2) ball kestesi – ár Táýekel kózderi ındıkatorlary mániniń krıterııleri jáne /nemese ıntervaldaryn ránjirleý arqyly táýekel deńgeıin anyqtaý;
3) den qoıý sharalary – memlekettik aýdıt obektileri táýekelderiniń aldyn alý, olardy barynsha azaıtý jáne joıý maqsatynda memlekettik aýdıt obektilerine qatysty memlekettik aýdıt organdary qabyldaıtyn is-sharalar;
4) memlekettik aýdıt jáne qarjylyq baqylaýdyń máni (budan ári – memlekettik aýdıt máni) – memlekettik organdardyń qyzmeti, sonyń ishinde memlekettik qarjyny basqarý, memlekettik, salalyq jáne bıýdjettik baǵdarlamalar, memlekettik organdardyń strategııalyq josparlary, aýmaqtardy damytý baǵdarlamalary;
5) memlekettik aýdıt jáne qarjylyq baqylaý obektileri (budan ári – memlekettik aýdıt obektileri) – memlekettik organdar, memlekettik mekemeler, kvazımemlekettik sektor sýbektileri, sondaı-aq bıýdjettik qarajatty alýshylar;
6) saraptamalyq taldaý – mamandardyń (sarapshylardyń) biliktiligi men bilimine negizdelgen taldaý ádisi.
7) táýekel – Qazaqstan Respýblıkasynyń bıýdjet jáne ózge de zańnamasyn saqtamaýdyń, memlekettik aýdıt obektisine oqıǵanyń nemese is-qımyldyń tıgizetin jaǵymsyz áseriniń yqtımaldylyǵy, ol qarjylyq buzýshylyqtarǵa, bıýdjet qarajatynyń urlanýyna (ysyrap bolýyna) ákelip, memleketke ekonomıkalyq zııan shektirýi múmkin, sondaı-aq baǵdarlamalyq qujattarda jáne memlekettik organdardyń strategııalyq josparlarynda qarastyrylǵan nysanaly ındıkatorlar men kórsetkishterge qol jetkizbeý jáne tolyq kólemde oryndamaýdyń yqtımaldyǵy;
8) táýekeldi baǵalaý – teris oqıǵanyń jáne saldarlardyń tıgizetin yqpalynyń týyndaý yqtımaldyǵynyń sapalyq jáne sandyq tásilderi negizindegi anyqtamalardy qamtıdy;
9) táýekeldi baǵalaýdyń sandyq ádisteri – derekterdi jáne modeldeýdi taldaýdyń statıstıkalyq jáne matematıkalyq quraldaryna, tehnıkalaryna negizdelgen ádister;
10) táýekeldi baǵalaýdyń sapaly ádisteri – saraptamalyq-taldamalyq baǵalaýlarǵa negizdelgen ádister;
11) táýekelderdi basqarýdyń júıesi – esepter men basqa da derekter negizinde táýekelder jáne olardyń faktorlaryn anyqtaý, sáıkestendirý, baǵalaý jáne taldaýǵa, pysyqtaý men den qoıý sharalaryn qabyldaýǵa, qabyldanǵan sharalar nátıjeleriniń tıimdiligin monıtorıngileýge baǵyttalǵan, baqylaý is-sharalaryn tıimdi josparlaýdy jáne júrgizýdi qamtamasyz etetin, resýrstardy tańdap, olardy baqylaý qyzmetiniń eń basym baǵyttaryna ońtaıly bólý prınsıpterine negizdelgen jáne tıisti jylǵa memlekettik aýdıt jáne qarjylyq baqylaý obektileriniń tizbesin qalyptastyrýdy qamtamasyz etýshi ákimshilik etý júıesi.
12) táýekelder beıini - memlekettik aýdıt obektileriniń qyzmeti týraly málimetterdi taldaý jolymen anyqtalǵan jáne belgili bir buzýshylyqtardy anyqtaý maqsatynda ázirlenetin derekterdi tańdaý jaǵdaılarynyń jıyntyǵy.
13) táýekel deńgeıi – olardyń saldary men bolý yqtımaldyǵy kombınasııalary nátıjesinde kóringen,táýekelder kólemi.
14) táýekel kózi – jeke nemese basqalarmen ushtastyra otyryp Táýekeldiń ulǵaıýyna ákelý múmkindigi bar, obekt;
15) táýekel krıterııleri (táýekelder kóziniń ındıkatorlar) – memlekettik aýdıttiń mánin jáne obektisin táýekeldiń belgilengen tobyna jatqyzý týraly sheshim qabyldaýǵa negiz bolatyn kórsetkishter tizbesi;
16) táýekelder-matrısa – táýekelderdi baǵalaýda paıdalanylatyn, táýekelderdi olardyń dárejesi boıynsha ránjirleıtin matrısa, yqtımaldyq pen áser etý boıynsha dıapazony bar, den qoıý sharalary boıynsha sheshimderdi qabyldaý prosesterinde qoldanylady;
17) táýekelderdiń monıtorıngi – memlekettik aýdıt obektileriniń táýekelderdiń aldyn alý, olardy barynsha azaıtý, joıý boıynsha is-qımyldardyń tıimdiligin keıin taldaý jáne baǵalaý úshin táýekel serpininiń dárejesi boıynsha memlekettik obektilerin esepke alý;
18) táýekelderdi sáıkestendirý – táýekelderdiń týyndaý sebepteri men belgilerin anyqtaý, olardyń krıterıılerin aıqyndaý maqsatynda jaǵdaıattar men jaǵdaılardyń bar jáne yqtımal táýekelderin taldaý;
19) táýekeldi taldaý – memlekettik aýdıt obektisi qyzmetiniń qandaıda da bir salasyna táýekeldiń tıgizetin eń kóp áserin anyqtaý úshin júrgiziletin is-qımyl;
20) táýekelder tizilimi – olardyń sapalyq jáne sandyq taldaý nátıjelerinen turatyn, sondaı-aq táýekeldiń krıterıleri men sebepterin, olardyń týyndaý yqtımaldyǵyn, yqpaly (zalaly), basymdyǵy men sharalaryn qamtıtyn qurylymdalǵan táýekelderdiń tizilimi;
21) shuǵyl den qoıý táýekeliniń beıini – eń qysqa merzimde táýekelge áser etý tásilderi týraly sheshim qabyldaýdy talap etetin táýekel beıini;
2. Táýekelderdi basqarý júıesiniń negizgi kezeńderi
4. Táýekelderdi basqarý júıesini kelesi kezeńderge júkteıdi:
1) aqparat jınaý;
2) táýekelderdi sáıkestendirý;
3) táýekelderdi baǵalaý;
4) den qoıý sharalary;
5) táýekelder monıtorıngi.
5. Táýekeldi baǵalaýdy ótkizý úshin memlekettik aýdıttiń obektilerinen jáne basqa da resmı kózderden alynǵan qarjylyq jáne bıýdjettik eseptilikterden aqparat jınaý.
Memlekettik aýdıttiń obektiler men mánderi boıynsha derekqordy qalyptastyrý jáne júıeleý.
Aqparatty jınaý, óńdeý jáne saqtaý prosessteri barynsha avtomattandyrylady jáne alynǵan derekterdiń durystyǵyn tekserý múmkindigin jasaıdy.
Aqparatty jınaý jáne ózektendirý merzim saıynǵy negizde tıisti eseptik aqparatyn qalyptastyrý kezeńdigine qaraı júzege asyrylady.
6. Táýekelder jáne olardyń ólshemsharttaryn anyqtaý úshin memlekettik aýdıttiń obektileri men mánin zerdeleý, áleýetti jáne shynaıy qaýip pen qaterlerdi, olardyń týyndaý sebepterin aıqyndaý táýekelderdiń sáıkestendirýi ótkiziledi.
Táýekel krıterııleri Qazaqstan Respýblıkasynyń zańnamasyna sáıkes, bıýdjet deńgeıine táýeldi júktelgen fýnksııalar men ókilettikterge sáıkes, ishki memlekettik aýdıt uıymdary úshin táýekelderdiń birshama bolý múmkindigin anyqtaý úshin optımaldy jaǵdaılarda anyqtalady.
Táýekeldi sáıkestendirý júrgizý kezinde táýekeldi basqarý úshin negizgi ólshemder belgilenedi, qoldaný aıasy, táýekel kózderi buzýshylyq túrleri anyqtalady.
Ishki memlekettik aýdıt organdary ózderine júktelgen fýnksııalar men ókilettikterge saı táýekelderdi aıqyndaý úshin kelesi baǵyttaryn paıdalanady:
1) bıýdjettiń shyǵystar bóligi salasyndaǵy táýekelder, táýekeldi baǵalaýdyń 2 deńgeıinen turady:
memlekettik aýdıt máni boıynsha (baǵdarlamalyq qujattar, bıýdjettik baǵdarlamalary);
memlekettik aýdıt obektisi boıynsha (bıýdjettik baǵdarlamalar ákimshisi jáne basqa da memlekettik mekemeleri).
2) bıýdjettiń kiris bóligi salasyndaǵy táýekelder mynalar boıynsha:
salyqtyq túsimder;
salyqtyq emes túsimder aıqyndalady.
3) kvazımemlekettik sektor sýbektisi boıynsha táýekelder.
7. Táýekelderdi baǵalaý sandyq jáne sapalyq ádisterdiń negizinde olardyń yqtımaldyǵy jáne yqpalyna súıene otyryp esepteledi.
Táýekelderge baǵalaý júrgizý úshin táýekelder men olardyń ólshemderiniń tizilimi qurylady. Táýekelder tizilimine táýekeldiń ataýy, áseri, týyndaýy, deńgeıi jáne táýekeldi baǵalaýdyń basqa da kórsetkishteri kórinis tabady.
Táýekelder-matrısadaǵy táýekelderdi aıqyndaýdyń nátıjesi boıynsha memlekettik aýdıt obektiler men máni táýekelder dárejesi boıynsha bólinedi:
1) joǵary; 2) orta; 3) tómen.
Memlekettik aýdıt obektileri men mánderi boıynsha aıqyndalǵan krıterııler sáıkesinshe táýekel baǵalaý ótkiziledi.
8. Memlekettik aýdıttiń obektileri jáne máni, ólshemsharttary, basymdyqtary, táýekel toptary jáne den qoıý bólinisinde táýekelderdi baǵalaý nátıjesi boıynsha shyǵys nysandaryn resimdeledi.
Ishki memlekettik aýdıt organdarymen qoldanylǵan sharalar táýekelderdiń aldyn alý, olardy barynsha azaıtý, joıýdy qamtamasyz etedi.
Ishki memlekettik aýdıt organdarymen tıisti taldaý jasaý arqyly qoldanystaǵy den qoıý sharalarynyń tıimdiligin arttyrý boıynsha merzim saıyn sharalar ótkiziledi.
Táýekelderge den qoıý sharalary myna sanattarǵa bólinedi:
1) Aldyn ala den qoıý sharalary:
memlekettik aýdıt obektisinen táýekelderdiń týyndaý sebepteri týraly aqparat alý;
táýekelderdiń aldyn alý jáne barynsha azaıtý – orta táýekelder dárejesi bar memlekettik aýdıt obektileri boıynsha aýdıtorlyq is-sharalaryn ótkizbeı, memlekettik aýdıt obektisine joǵary dárejeli áleýetti táýekelderge ákeletin sharttardyń týyndaýy týraly eskertýler (habarlamalar) jáne olarǵa jol bermeý boıynsha usynymdar (usynystar) berýden turatyn keshendi is-sharalar;
olardy joǵary dárejeli táýekelderge ákeletin sharttar saqtalǵan jaǵdaıda memlekettik aýdıt obektisi boıynsha aýdıtorlyq is-sharalaryn ótkizý jónindegi máseleni qarastyrý.
2) nusqamalyq den qoıý sharalary - joǵary dárejeli táýekelderi jáne orta dárejeli táýekelder bar memlekettik aýdıt obektileri boıynsha (ishki memlekettik aýdıt organynyń memlekettik aýdıt ótkizý týraly sheshimi bolǵan jaǵdaıda) memlekettik aýdıt ótkizý arqyly táýekelderdi joıý
3) táýekelder dárejesi tómen memlekettik aýdıttiń obektisi boıynsha ishki memlekettik aýdıt organdary táýekelder dárejesiniń ósýin ýaqytynda anyqtaý maqsatynda jáne tıisti sharalar qabyldaý úshin táýekelderdiń monıtorıngin júrgizedi.
9. Táýekelder monıtorıngi:
1) Táýekelderdiń tıimdiligi men ózektiligin jáne táýekelder dárejesiniń ózgerýin (qaldyq táýekelderdi aıqyndaý) anyqtaý maqsatynda merzimdi negizde monıtorıng ótkiziý;
2) rastalǵannyń tıimsizdigi nemese ózekti emestigi anyqtalǵan jaǵdaıda táýekel joq bolyp sanalady.
Memlekettik aýdıt organdary jyl saıynǵy negizde táýekelderdi aıqyndaý men baǵalaýdyń durystyǵyna, rásimderdiń olardyń oryndalýy sáıkestigine taldaý júrgizedi.
Memlekettik aýdıt organdary toqsan saıynǵy negizde aldyn ala den qoıý sharalarynyń sheńberindeg is-sharalardyń iske asyrylýy tıimdiligine taldaý júrgizedi.
3. Táýekelderdi basqarý júıesin paıdalana otyryp tıisti jylǵa memleketik aýdıt obektileri tizbesiniń jobasyn qalyptastyrý
10. Memleketik aýdıt obektileri tizbesiniń jobasyn qalyptastyrý joǵary jáne ortasha táýekel deńgeıleri bar memlekettik aýdıttiń obektileri jáne máni júıesimen táýekelderdi baǵalaý negizinde iriktep alý iske asyrylady.
11. Memlekettik aýdıt obektileri men mánderin baǵalaý ol táýekeldiń árbir krıterııi boıynsha mańyzynyń jıyntyǵy negizinde eseptelgen, qorytyndy ball men táýekel deńgeıin anyqtaý.
12. Táýekelder krıterııi ıntervaldarǵa bólinedi, árbir ıntervalǵa ball beriledi.
13. Ishki memlekettik aýdıt organdarymen júktelgen fýnksııalary men ókilettikterine sáıkes osy Úlgi júıege 2 qosymshaǵa sáıkes bazalyq krıterıılerdiń negizinde táýekelder krıterııi ázirlenedi.
Sonymen qatar, Ishki memlekettik aýdıt organdarymen memlekettik aýdıttiń obektileri men mániniń qosymsha táýekelder krıterııleri ázirlenýi múmkin.
14. Ázirlengen krıterııler táýekelder tizbesinde qalyptastyrylady jáne ishki memlekettik aýdıt organy basshysymen bekitiledi.
15. Ishki memlekettik aýdıt organdary merzimdi negizde táýekel krıterııleriniń tıimdiligine (ózektiligine) monıtorıng júrgizedi, sonyń nátıjeleri boıynsha krıterııler alynyp tastalady nemese táýekelder tizbesine ózgertýler men tolyqtyrýlar engizý jolymen ózgertiledi.
4. Ishki memlekettik aýdıt organdary qyzmetiniń basqa baǵyttary boıynsha shuǵyl den qoıý táýekelderiniń beıini negizinde táýekelderdi basqarý júıesin basqarý.
16. Shuǵyl den qoıý táýekelderiniń beıini (budan ári - Beıin) memlekettik aýdıt obektilerimen avtomattandyrylǵan aqparattyq júıeni paıdalana otyryp , ýaqytynda buzýshylyqtardyń aldyn alý jáne boldyrmaý quraly bolyp tabylady jáne onyń nátıjeleri eskertý – profılaktıkalyq sıpatta bolady.
17. Táýekelderdi basqarý júıesi shuǵyl den qoıý táýekelderiniń beıini negizinde sonymen qatar kameraldy baqylaý júrgizý kezinde paıdalanylady.
18. Beıin qurý úshin táýekelder men buzýshylyqtardyń tizbesin qalyptastyrý qajet. Memlekettik aýdıt obektileriniń tizbesin qalyptastyrý úshin derekterdi tańdaý sharttaryn jınaýdy anyqtaýmen, beıin belgili bir táýekel/ buzýshylyqqa ázirlenedi.
19. Beıindi ázirleý degenimiz memlekettik aýdıt obektileriniń qyzmeti týraly zerdeleý, taldaý jáne derekterdi salystyrý, sonyń ishinde aqparattyq júıelerden derekter, memlekettik aýdıt jáne qarjylyq baqylaý nátıjeleri.
20. Ázirlengen beıinder táýekelder beıininiń tiziliminde qalyptasady, onda ret sany, beıin ataýy, kúni, táýekel/buzýshylyqtyń sıpattalýy jáne basqa da derekter mazmundalady jáne ishki memlekettik aýdıt organynyń basshysymen bekitiledi.
21. Ishki memlekettik aýdıt organdary jumys istelgen beıinderdiń nátıjeleriniń naqtylyǵyn tekseredi (táýekel/buzýshylyq rastaldy/rastalǵan joq).
22. Eger táýekelder/buzýshylyqtar rastalǵan jaǵdaıda, ishki memlekettik aýdıt organdarymen memlekettik aýdıt obektisine qatysty tıisti den qoıý sharalaryn qoldaný týraly sheshim qabyldanady:
memlekettik aýdıt júrgizý, sonyń ishinde jospardan tys;
hattardy, táýekel/buzýshylyqtardy joıý týraly jáne/nemese oryndaýshynyń jaýapkershiligin qaraý týraly, aldaǵy ýaqytta olarǵa jol bermeý boıynsha sharalar qoldaný týraly habarlamalar jiberý jáne basqalar;
táýekelder/buzýshylyqtar týraly málimetterdi basqa da quzyretti organdarǵa jiberý.
23. Ishki memlekettik aýdıt organdary merzimdi negizde táýekel krıterııleriniń tıimdiligine (ózektiligine) monıtorıng júrgizedi, sonyń nátıjeleri boıynsha krıterııler alynyp tastalady nemese táýekelder tizbesine ózgertýler men tolyqtyrýlar engizý jolymen ózgertiledi.
Tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesine 1 Qosymsha
Táýekel matrısasy
Tıisti jylǵa arnalǵan memlekettik aýdıt jáne qarjylyq baqylaý obektileriniń tizbesin qalyptastyrý jáne ishki memlekettik aýdıt júrgizý kezinde qoldanylatyn táýekelderdi basqarýdyń úlgilik júıesine 2 Qosymsha
Táýekelderdiń bazalyq krıterııleri
BBÁ BOIYNShA KRITERIILER
Kórsetkishterdiń ataýy
Qol jetkizilmegen nysanaly ındıkatorlardyń, olardyń jalpy sanyna shaqqandaǵy úlesi, %-ben
Oryndalmaǵan is-sharalardyń, olardyń jalpy sanyna shaqqandaǵy úlesi, %-ben
Jalpy sanyna shaqqanda, bastapqyda bekitilgen strategııalyq josparda kózdelgen, bıýdjettik baǵdarlamalardyń qol jetkizbegen tikeleı nátıjeniń kórsetkishteriniń úlesi, %-ben
Jalpy sanyna shaqqanda, bastapqyda bekitilgen strategııalyq josparda kózdelgen bıýdjettik baǵdarlamalardyń qol jetkizbegen túpkilikti nátıjeniń kórsetkishteriniń úlesi, %-ben
Strategııalyq josparǵa engizilgen ózgerister men tolyqtyrýlardyń jıiligi
Memlekettik mekemeni qarjylandyrýdyń jyldyq kólemi, mln. tenge*
Sońǵy eki jylda bólingen, bıýdjet qarajatynyń jalpy kólemine shaqqanda baqylaýmen qamtylǵan bıýdjet qarajatynyń úlesi, %-ben
Burynǵy kezeńmen salystyrǵanda qarjylandyrý kóleminiń ósýi/tómendeýi, %-ben
Kezeńniń sońynda bıýdjet qarajatynyń ıgerilýi, %-ben
Osy memlekettik organmen iske asyryp otyrǵan bıýdjettik ınvestısııalyq jobalardyń sany, birl.
Tıisti kezeńniń shyǵystar kólemine shaqqandaǵy burynǵy baqylaýmen anyqtalǵan qarjylyq buzýshylyqtardyń kólemi, %-ben
Burynǵy kezeńmen salystyrǵanda debıtorlyq bereshek kóleminiń ósýi, %-ben
Sońǵy júrgizilgen keshendi tekserýdiń kúni, jyly
Úkimet rezerviniń esebinen iske asyrylatyn, bıýdjettik baǵdarlamalardyń sany, birl.
Bıýdjet qarajattaryn basqarý tıimdiligin baǵalaý nátıjeleri, ball
MQB standarttaryna sáıkes keletin IAQ bekitýleriniń kólemi, %-ben
Sońǵy eki jylda baqylaý is-sharalarynyń qorytyndylary boıynsha qylmystyq ister qozǵaýmen, quqyqqorǵaý organdaryna tapsyrý faktileriniń bolýy, % -ben
Quqyqqorǵaý organdarynyń qaýlylarymen iske asyrylǵan baqylaý is-sharalarynyń nátıjeleri boıynsha rastalǵan faktilerdiń bolýy, %-ben
OMM jáne JAO Ishki aýdıt organdarymen baqylaý materıaldarynyń Memlekettik qarjylyq baqylaý standarttaryna sáıkes kelmeýi boıynsha anyqtalǵan jaǵdaılar
BBÁ jáne onyń vedomstvolyq baǵynystaǵy uıymdarynyń Josyqsyz ónim berýshiler tizilimine qosylǵan, ónim berýshilermen bekitilgen kelisim sharttarynyń bolýy.
MM BOIYNShA KRITERIILER
Memlekettik mekememen iske asyrylyp jatqan bıýdjettik baǵdarlamalardyń sany, birl.
Memlekettik organdy qarjylandyrýdyń jyldyq kólemi, mln. tenge*
Sońǵy eki jylda bólingen, bıýdjet qarajatynyń jalpy kólemine shaqqanda baqylaýmen qamtylǵan bıýdjet qarajatynyń úlesi, %-ben
Burynǵy kezeńmen salystyrǵanda qarjylandyrý kóleminiń ósýi/tómendeýi, %-ben
Kezeńniń sońynda bıýdjet qarajatynyń ıgerilýi, %-ben
Tıisti kezeńniń shyǵystar kólemine shaqqandaǵy burynǵy baqylaýmen anyqtalǵan qarjylyq buzýshylyqtardyń aýqymy, %-ben
Burynǵy kezeńmen salystyrǵanda debıtorlyq bereshek kóleminiń ósýi, %-ben
Sońǵy júrgizilgen keshendi tekserýdiń kúni, jyly
Sońǵy 2 jylda baqylaý is-sharalarynyń qorytyndylary boıynsha qylmystyq ister qozǵaýmen, quqyqqorǵaý organdaryna tapsyrý faktileriniń bolýy, % -ben
Quqyqqorǵaý organdarynyń qaýlylarymen iske asyrylǵan baqylaý is-sharalarynyń nátıjeleri boıynsha rastalǵan faktilerdiń bolýy, %-ben
Baqylaýmen qamtylǵan, MSA rásimderiniń sanyna shaqqanda ákimshilik jaýapkershilikke tartýǵa ákelgen, memlekettik satyp alýlar týraly zańnamanyń saqtalýyn buzýshylyqtardyń úlesi
О́ńirdiń bastamashy bıýdjettik baǵdarlamalary
О́ńirdiń júzege asyrylǵan ınvestısıalyq jobalary
MM aqyly qyzmetterin júzege asyrýdan túsken qolma-qol aqshanyń baqylaý shottary.
Ýaqytsha ornalastyrylǵan qolma –qol aqshany baqylaý shoty.
Demeýshilik jáne qaıyrymdylyq kómekten túsken qolma-qol aqshany baqylaý shottary.
Kúrdeli shyǵystar boıynsha mindettemelerdi tirkeý, mln.tńg
15 kúnnen kem emes merzimdegi azamattyq-quqyqtyq jaýapkershilik kelisim sharttaryn tirkeý
JSQ –men kózdelgen merzimnen kem, oryndalý merzimimen jumystardy oryndaý boıynsha kelisim sharttardy tirkeý
KVAZISEKTOR SÝBEKTILERI BOIYNShA KRITERIILER
Jarǵylyq kapıtal mólsheriniń ósýi/tómendeýi, %-ben
Enshiles jáne qaýymdastyrylǵan uıymdardyń bar-joǵy, birlik
Shyǵystardyń jalpy kólemine shaqqanda ákimshilik shyǵystardyń úlesi, %-ben
Sońǵy tekserýdiń júrgizilgen kúni, jyly
Qarjylyq eseptilikti ýaqytynda tapsyrmaý, %-ben
Monıtorıng nátıjeleri boıynsha QE jasaýda buzýshylyqtardyń bolýy ,%-ben
Sońǵy 2 jyldaǵy qarjylandyrý kólemi, sonyń ishinde memlekettik tapsyrys boıynsha (tapsyrys kóleminen 100 %)
Sońǵy 2 jylda aldyńǵy tekserýler qorytyndylary boıynsha taýar-materıaldyq qundylyqtardyń jáne aqshalaı qarajattyń jetispeýshiligi (anyqtalǵan qarjylyq buzýshylyqtardyń jalpy somasynyń 2 % -y)
Birneshe qarjy kezeńderindegi býhgalterlik eseptilikte shyǵyndardyń kórsetilýi
Sońǵy 2 jylda aldyńǵy baqylaý qorytyndylary boıynsha anyqtalǵan qarjylyq buzýshylyqtardyń aýqymy
Baqylaýmen qamtylǵan, MSA rásimderiniń sanyna shaqqanda ákimshilik jaýapkershilikke tartýǵa ákelgen, memlekettik satyp alýlar týraly zańnamanyń saqtalýyn buzýshylyqtardyń úlesi
MEMBAǴDARLAMALAR BOIYNShA KRITERIILER
Qol jetkizilmegen nysanaly ındıkatorlardyń, olardyń jalpy sanyna shaqqandaǵy úlesi, %-ben
Oryndalmaǵan is-sharalardyń, olardyń jalpy sanyna shaqqandaǵy úlesi, %-ben
Jalpy sanyna shaqqanda, bastapqyda bekitilgen strategııalyq josparda kózdelgen, bıýd-jettik baǵdarlamalardyń qol jetkizbegen tikeleı nátıjeniń kórsetkishteriniń úlesi, %-ben
Jalpy sanyna shaqqanda, bastapqyda bekitilgen strategııalyq josparda kózdelgen bıýd-jettik baǵdarlamalardyń qol jetkizbegen túpkilikti nátıjeniń kórsetkishteriniń úlesi, % - ben
Strategııalyq josparǵa engizilgen ózgerister men tolyqtyrýlardyń jıiligi
Kezeńniń sońynda bıýdjet qarajatynyń ıgerilýi, %-ben
Sońǵy 2 jylda anyqtalǵan qarjylyq buzýshylyqtardyń úlesi, % -ben
Sońǵy 2 jylda ÁQBK sáıkes ákimshilik jaýapkershilikke tartylǵan tulǵalardyń sany
Aldyńǵy baqylaýmen anyqtalǵan, memleketttik satyp alý qorytyndysyna áseri tıgen, anyqtalǵan memlekettik satyp alýlar týraly buzýshylyqtardyń aýqymy
BIýDJETTIK BAǴDARLAMALAR BOIYNShA KRITERIILER
Kezeńniń sońynda bıýdjet qarajatynyń ıgerilýi, %-ben
Burynǵy kezeńmen salystyrǵanda debıtorlyq bereshek kóleminiń ósýi, %-ben
Sońǵy 2 jylda anyqtalǵan qarjylyq buzýshylyqtardyń úlesi, % -ben
Sońǵy eki jylda bólingen, bıýdjet qarajattarynyń jalpy kóleminen, baqylaýmen qamtylǵan bıýdjet qarajattarynyń úlesi, %-ben
Tıisti kezeńniń shyǵystar kólemine shaqqandaǵy burynǵy baqylaýmen anyqtalǵan qarjylyq buzýshylyqtardyń aýqymy, %-ben
Sońǵy júrgizilgen keshendi tekserýdiń kúni, jyly
Buıryq Qazaqstan Respýblıkasynyń Ádilet mınıstrliginde 2015 jylǵy 24 jeltoqsanda Normatıvtik quqyqtyq kesimderdi memlekettik tirkeýdiń tizilimine №12490 bolyp engizildi.